الموضوع:السیده زینب س تکلم المشیعین لنعش السیده الزهراء ( سلام الله علیها)

*******************

یلسایرین ابنعش اُمنه الحبیبه

عاشت غریبه ابهل بلد ماتت غریبه

وسفه اُبونه مکسور ...ولدنیه صارت اگبور

یلسایرین ابنعش اُمنه الحبیبه
_______________

یلشایلین النعش مکسور اُبونه
...مکسور اُبونه

امشیِّع ضلع اُمنه و یِوِن لاتلچمونه... لاتلچمونه

صعبا الحنین ابعجل ویفارگونه... ویفارگونه

او صعبا ابظلام الغریب ایشیِّعونه... ایشیِّعونه
_____
صعبا الَّیالي تِمُر للعنده غیاب

شیگضِّي لیل الهجر للفارگ احباب

کل لحظه عنده عاشور...ولدنیه صارت اگبور

یلسایرین ابنعش اُمنه الحبیبه

************************

چَتف اللّي قالع خیبره یرجف هظیمه...یرجف هظیمه

ما یگدر ایشیل النعش والله حریمه...والله حریمه

ایصیح ماتت فاطمه شیعوا الیتیمه...شیعوا الیتیمه

ابهل دنیه ماشافت فرح بس الظلیمه...بس الظلیمه
_________________
عُمر الورد مُختَصَر حنیّه واحساس
مو سهله وردة علي بل صطره تنداس
ولخَد یشوفا مصطور...ولدنیه صارت اگبور
یلسایرین ابنعش اُمنه الحبیبه
**********************

عل باب ضل دَم وضلع و امحاصر ابنار...وامحاصر ابنار

مو اُمنه دخلت عندک اشخیرک یبسمار..؟ اشخیرک یبسمار

تعصرهه ولمحسن سگط مو وکت الصیار...مو وکت الصیار

چان استحیت امن الضلع لو عشرت الدار...لو عشرت الدار
___________
طاحت غریبه او محسن ایرتِّل حنینه
صاحت یفضَّه لحگي و غمضیله عینه
نار ابعباهه واتدور...ولدنیه صارت اگبور
یلسایرین ابنعش اُمنه الحبیبه
@@@@@@@@@@

دنیة اُبونه صارت اشما یلتفت باب... اشما یلتفت باب

او بسمار مشتاگ الضلع بس لابس انگاب...بس لابس انگاب

بهدای لا یعثر جِدِم ولوادم اجناب... ولوادم اجناب

خاف اُمنه یلچمهه النعش ویفِزْ الصواب...ویفِزْ الصواب
___._________
یتمشَّه جدام النعش بجروحا حیران
صعبا یِمُرهه ابمگبرا و ماخذهه دفّان
ویفارگ اُمنه مجبور...ولدنیه صارت اگبور
یلسایرین ابنعش اُمنه الحبیبه
@@@@@@@@@

اشحال گلب الضایگ او ولفه یسافر...ولفه یسافر

ولراح مایرجع بعد شیرجعه باچر...شیرجعه باچر

والله هظیمه ایضل علي مکسور خاطر...مکسور خاطر

واخلاف عِشْرَت فاطمه ایعاشر مگابر..ایعاشر مگابر
________________
یسمَع ونین الضلع یبچي ابنزیزه.
صعبا العزیز ابلحد یترک عزیزه

ویگضِّي عمره مهجور ...ولدنیه صارت اگبور
یلسایرین ابنعش اُمنه الحبیبه
@@@@@@@@@@

امشیعین ضلع اُمنه ابنعش و اتصُبِ الدموع...واتصُبِ الدموع

باچر أنه ابطف کربله شیلِم لي الإضلوع...شیلم لي الإضلوع

باچر عگُب عین الگمر نتوسَّل اشموع...نتوسَّل اشموع

وحسین من حَر الشمس بلمذبح ایموع...بلمذبح ایموع
_____________
لیْصِحله تشیع و چفن لیْصِحله دفّان
اموَذَّر اگبال الحرم و انعوفا عریان
و اولیده یَمَّه منحور...ولدنیه صارت اگبور
یلسایرین ابنعش اُمنه الحبیبه
@@@@@@@@
للشاعر خادم الزهراء س:
نسیم الناصری_الأهواز