ما ننساچ
ما ننساچ
ما ننساچ آیلزهره المظلومه ما ننساچ ما ننسه احسین ویومه
__________
أبد ولله یازهرا ما ننسه مئاسیکم ولاننسه المصایب ذیچ وشسوه الدهر بیکم
الکسر الصدر عمی العین نبچی ونلطم اعلیکم ونعاری اللی عاداکم وانوالی الیوالیکم
یا زهرا نصرخ کلنه ابعالی الصوت یا زهرا اویاچ العیش اویاچ انموت
ما ننساچ آیلزهره المظلومه
__________
عهدنا ویاچ یا زهرا وبدم الرگب نعهد مثل ما نلبس اعله احسین إلچ هم نلبس الأسود
ننصب بیرق ابکل بیت ونظل ابهای نتردد عزائچ کل سنه وکل عام مثل عاشورتیجدد
یا زهرا صرختنه الآخر أنفاس
یا زهرا منعوفچ لا والعباس
ما ننساچ آیلزهره المظلومه
__________
یا بت فگدت الوالد ومن البچی ضعوهه وبمچان الورد یا ناس لیش ابحطب واسوهه
علیش الزهره مظلومه وبیاذنب ظلموهه وشبوا بابهه ابنیران ویم الوصی طگوهه
یا زهرا یاهو الطگچ خلف الباب
یا زهرا کلشی الصار من الاصحاب
ما ننساچ آیلزهره المظلومه
__________
نار الشبت حرگت بالطفوف اخیام وچف اللی سطر خدچ چم طفله سطربالشام
وبسمار الکتل محسن صار اعله الرضیع اسهام وحبل الچنف الکرار چتف للحسین أیتام
یا زهرا ولو کسرومنچ ضلعین
یا زهرا کسروا کل اضلوع احسین
ما ننساچ آیلزهره المظلومه
__________
حگه المهدی یا هلناس لو کل العمر ینحب کتلوا فاطمه امه وچتفوا عمته زینب
یمته یجی راعی الثار ویشعل نار اللی تلهب وبحطب الذی جمعوا بجمعه وبیه یشبهم شب
یا زهرا ویاچ انتانی الموعود
یا زهرا بیرق هاشم ییله اردود
ما ننساچ آیلزهره المظلومه
الشاعر:علی الحاتمی