لیل الرهیب
لیل الرهیب
اشلون بیدک یاعلی حملیته نعش فاطم للگبر ودّیته
*****
عفیه گلبک سیدی حامی الدخیل اتشوف صدر الطاهره من دم یسیل
ابهالمصاب الدنیا یاحیدر تمیل اشکبر صبرک یاعلی وصبریته
****
والله عجبا سیدی اتشوف الطهر بین باب وحایط اهیه التنعصر
تغسِل ادموعک وجها المنسطر وانته وجه الظالمه سطریته
****
گلّی غسلت العزیزه ابیا وَضِع اشصار حالک حین هجسیت الظلع
منکسر مجروح من ذاک الدفع ظنتی من دمعک علی غسلیته
****
چَفّنِت جسم الزچیه ابیا چِفَن اشصبّرَک من ناده یا یمه الحسن
امصایب الحره وحسین اترادفن اعلیک من حبل الچفن شدیته
****
اشمشه جدمک یاعلی ابلیل الرهیب صار حادیک وحدی نعش الحبیب
عفیه والله اشلون راسک مایشیب وانته گلبک بالنعش شیعیته
****
اشلون نزّلت الزچیه بالگبُر ماخِفِت ینلچم ظلع المنکسر
عالتراب اشوسّدت خد منسطر وبالحد جسمک علی دفنیته
الشاعر والرادود سید مصطفی حسینی