جرح الهجر

جرح الهجر ماطاب      بعده ابنزیفه

و عصرونی خلف الباب  اهل السقیفه
شبّوا علینه النار  یاطاهه یالمختار
وینک یبویه2
---------
بویه اعله گبرک جیت دم ضلعی نازف
جیت اشکی واعلم بیک بمصابی عارف
بعدک یبویه اتراب لحدک مَناشف
وستوحدونه اعداک واهل المعازف

هجموا عله التوحید  حی بویه ریتک
ماچان بیهم حید  یذکروصیتک
تبعوا شیوخ العار یاطاهه یالمختار
وینک یبویه2
------------
اتوسّلک یابوی رد یا شمعنه
عگبک یبوالایتام یابویه ضعنه
صحنه الگلب ملچوم محدسمعنه
ویتشمّت العاداک صارابوضعنه

بویه الگلب ملیان   محنه اعله،محنه
غاصب فدکنه افلان وذوالقربه احنه
بویه الگلب محتار یاطاهه،یالمختار
وینک یبویه2
-------------
شرد اشتکی ابیاظیم وابیا مئاتم
من هد علینه افلان اشقی العوالم
گلوله خلف الباب بت طاهه فاطم
گلهم و اِنْ ایصیر لوحتی،خاتم

وبهالکلام الگال  بیّن شقاقه
مو قول گول اقوال  ثابت نفاقه
عاندعلی الکرار  یاطاهه یالمختار
وینک یبویه2
-----------
بالگوّه زعّ الباب ماراعه وضعی
شبّ الالم بالروح وبعینی دمعی
صرت ابشجون الصوت یابویه انعی
طَرْ ضلعی واصرخ آخ یابویه ضلعی

لجل الخلافه الگوم   سطروهه عینی
وهذه الضلع مدموم  سگطوا جنینی
طرضلعی بالمسمار  یاطاهه یالمختار
وینک یبویه 2
-------------
بسمک قسم یابوی ما ارضی منهم
لن بالشرک ابلیس داف و عجنهم
غضبانه منهم حیث الله لعنهم
وکلمن هوه الشیخین ویترضّه عنهم
اشلون گلی ارتاح      واُهمه الشقیّین
واهمه ابسببهم راح ایذبحون الحسین
راسه ابمُدُن یندار یاطاهه یالمختار
یابویه وینک 2
-----------
راح ابنی بیت احزان هذه آنه وعدی
وابچی وانوح اعلیک وابچی اعله ولدی
مابطل امن النوح  مابین لحدی
انحب وانوح ابصوت وینک یمهدی
البس ثیاب السود    ودموعی تجری
لمّن یجی الموعود    واشکیله قهری
ویصیح یاللثار  یاطاها یالمختار

وینک یبویه2

-----------

الشاعر ناصرآلبوعبید