چم چلمه
چم چلمه
ادری اشمر علیک و ماگدرت اتعود واضح چان کلشی ابوجه ابو الیمّه
طب ابخیمتک و ابعینه دمعه اتلوح عمود الخیمه یرّه و طیّح الخیمه
اجانی و من ورا استار المخیم صاح زینب خویه عندی ویاچ چم چلمه
انه ابخلف الستار اعرفت صوت احسین بس افیای غیره احساب اتجسمه
ر فعت استارهه و شایب لگیت احسین اثاری ابسبب موتک مختلف رسمه
عینه ابعینی طاحت بس غمضهه العین لئن من سهم عینک عینه متورمه
گبل لا یحچی چلمه افهمت شنهو ایرید اخوی اعرف نظرته و کلّش افتهمه
لچن عباس الک اقسم قسم بحسین تره احسین ابغیابک منکسر عزمه
اذ ا مرّک و اجاک اعله النهر لاجیه تره راحن اعیونه اعلیک لایعمه
اخذ چفک و گوم احسین راح ایموت شوفه ایگوم گوا و یسحل ابجدمه
متهمه المصایب، وحده تلچم بی چلمت خویه بعدک صدّگ اتلچمه
و انه بعدک و بعده اتحزّمت للظیم اختک یبوفاضل بیک تتسمّه
وگفت الخیلهم حسبوا جدمی ایزیل مایدرون بعدک آنه متوزمه
چنهم نسوا تربیت علی الکرار زینب بلشداید عن الف زلمه
وصلتنی العیایه و عثرت اویه الریح امن اثر ریحت عباتی اصبحت متیتمه
انه القائد صرت و الهیبه وگفت سیف و کل جیشیس یتامه اتصیح یاعمه
ماطاحت دمعتی التل بچه امن الظیم شم ریحت حرگ بخیامک التلهب
شاف احسین طاح و من وگع ناداک الحگ یبوفاظضل اختی لا تنسب
الحگ علخیام احساب شبّت نار ماتسمع اصیاح البل حرم تنهب
یبوفاضل صدگ طاحت دمعتی اهنا شفت خنجر و گاعد للذبح یگرب
شفت حدّت حوافر علجرح بلغیض فوگ الجرح حیل ابلا رحم تلعب
شفت چفّک لزم ثوب النهر مختاظ یندب یاحسین و بلجرف یسحب
شفت العلم رف و مالگاک اویاه و الجربه اعله صدرک تزحف و تنحب
یبوفاظل صحت و التل لطم علراس شال اترابه کلّه و ذبّه علمعصب
مثل ما انه اصیحن خویه ایصیح اویای خویه ایصیحلک أخًذ منصب
حسیت ابعطش شوفک التل ایلوی مات امن العطش و ابدمعی ضل یشرب
بِچَه ادموعه رَمُل و انهار بیّه و طاح صاح الله و اکبر من گلب زینب...!
الشاعر نسیم ناصری