یاظلام الیل
یاظلام الیل
یاظلام الیل هون لوسریت انا زینب بت علی وتعرفنی زین
ماتهمنی ابکثر حزنک لویزود انا ملچومه ابحزن های السنین
ذچر اخوی احسین مافارگنی یوم ودمعتی مافارگت جفنی الحزین
یاظلام الیل یم شاطی الفرات عفت اخوی ابلا زند و ابلا معین
اشگد صحت عباس الحگ یاکفیل لاسمعنی ولا سمع صوت الونین
شفت چفیه ابغیابه اعله الزنود طایحه ومتلوفه وسفه کلهه طین
یا ظلام الیل ماهمنا الضما وحنه گضینه العمر بس صایمین
لاچن الصعبه نطب مجلس یزید و تفرج الوادم علینه امگیدین
هم شفت یا لیل ضامی ابلا چفوف وجوده ینگط مستحه وغیره وحنین
انا شیب راسی یالیلی الحسین من سمع عباس یهتف یاحسین
یاظلام الیل ماانسه الخیام وهدت الخیل وجسد فاگد ایدین
وصدر مرمی اعله الارض وترکه خیل وعینه مشبوحه وتصد سبی البنین
ابحزن گضیت طول العمر ومشیت
ودمعی مانشف یحسین ومشیت
صحت عباس الحگ علی ومشیت
اموت ولا یسمونی سبیه
الشاعر نسیم الناصری