فانوس هندس
فانوس هندس
ثنه العلم یمک یبن داحی الباب باس اجدام قلمک لمن علِّیته
جاهل چان وکتک و العلم مفطوم طفل شفته و یتیم و گمت شالیته
ربّیته ابحظن مهد الملائک چان مثل جعفر الصادق هچ ربیته
کبر بس من کبر طیَّح اقصور الیل تصدّر علنجوم و کشخ مزویته
مضیفک بابه چان ایهلِّی بلخطار غیر امعاشر ک و اتخَّذ تربیته
گد مایحس راحه و گلبه یأمن حیل خطارک یِشِک ابیتک ابیته...!؟
تاریخک فحط و انفاسه تعبت حیل الکاتب چلَّت ایده و عاب تالیته
صرت فانوس هندس ماطفاک الریح و خیط اسعاعه ضَوّه الدنیه خلیته
حسافه ازغیر چنت ابملحمت عاشور لو سیّاف مدری شچان سویته
بس اعتقد لنّک من علی الکرار چان الطف نجوم الظهر راویته
چان احسین صرت و د ست فچ العار او فرض العزه بلمیدان صلّیته
چا عباس ثانی اتشبهت بلگوم و چان الشمر سح للخیمه سحیته
بس لا، دور الک چان ابخرایب الشام و ابقصر آل امیه و خوش ادّیته
من اتجدمت زامطت ابن ایزید صحت یاعلی و عرش لیزید هزیته
شاف ایزید شمرت حیدر ابیمناک ضم ابنه و صحت ها وین ضمیته...؟
شاف ابخزرتک سیف الفقار ایلوح گد ماعرگ عافت راسه چفیته
خمس اسنین اسمک بس گلب سبعین مثل فارس ملاحم گمت ذلّیته
ذلِّیته و سکت مارد علیک اجواب و اگبال الفواطم خوش بچیته..!
الشاعر نسیم ناصری