شیعی انا
شیعی انا
خفت اعثر طحت لاچن طحت مستور ولاخلیت شامت ذمنی بلسانه
ربیت ابعزت اهلی وبمضیف الحسین و لعباس اخوه الکسر میدانه
تعلمت الوفه والطیب ولاحساس من شفه اعله شاطی وتضل عطشانه
من چف حظن خدالنهر واختاض و اعیون النهر للیوم غرگانه
تلعلمت الاخوه وگفت الخوان من زلم الحسین الغیره ملیانه
من وگفت عضیده وطحت الچفین والرایه البگت عل نهر عنوانه
مدرستی الحسین وانا ابهایه اسنین تلمیذ المدرسه الهه انه
کل شیعی اخوی وحگ هو العباس اخلی انعاله فوگ الهامه نیشانه
ابن الاهواز انا وعربی ابن کارون تربیت النخل و لزاهی دیوانه
شیعی انا و حسینی وخادم الکرار سلایه و افوت ابعین عدوانه
ما اطیحن جبل متهزنی هل شاشات شیطیح الجبل لو ثابت ارکانه
لچن غیظی ایتلاطم لوطفح مختاض یعمی اعیونهم نیران برکانه
انا بایع امخلص فی سبیل احسین وروحی ابین ادی للموت خلصانه
ماگولن حبیب لوجون لو مختار ولا اصیرن الحر وباجی شجعانه
ولا ساحت حرب وانزع درع لسیف ولا یوصلنی خصمنی ولچنف اردانه
لچن شاعر واگص ابقلمی گص عباس اخلی اگبالی یرکع ابن مرجانه
الشاعر نسیم ناصری